新剧《金式森林》

拍到火红火绿

大家除咗关心

大主角嘅忘年恋

都好关心佢哋啲“仔仔囡囡”嘅

据之前官宣嘅阵容睇

剧中郭晋安嘅“大女”

由江嘉敏嚟饰演

作为一个富豪家族嘅“长女”

佢当然係要风得风、要雨有雨

据闻佢个角色有好多靓衫

小背心、小短裙不计其数

听落就好养眼啦

之前唔少人诟病

话江嘉敏粗粗鲁鲁

仲“肉感”太强

嘲笑佢係“胀爆师奶”

为咗今次角色造型更靓

衬得起啲露肉靓衫

嘉敏就话自己最近

好努力做运动keep fit

喺之前嘅开镜仪式上

其实已经见到

嘉敏穿起小短裤

露出白滑长腿

整体清瘦咗好多噶啦

本身就白白净净嘅佢

有时间仲会去做facial

变得更加亮眼醒神啦

咁认真做形象管理

应该会有好嘅效果

所以嘉敏近排心情靓爆

一有时间就出街happy

见佢最近晒出嘅pose

都係同啲friend

化靓妆、食好嘢

笑容满面、容光焕发

可能心情一靓

成个人都会发光

嘉敏话自己

前几日素颜戴口罩出门嘅时候

被靓仔搭讪问联系方式

话对方觉得佢好有气质哦

正所谓

群众嘅眼睛係雪亮的

嘉敏真係变索咗

所以包到冚都魅力四射啦

//////////

江嘉敏执到自己咁正

除咗为塑造角色

佢其实仲有啲“私心”

话说嘉敏自细

就好中意罗子溢

咁啱今次佢哋有机会同剧合作

仲会有好多对手戏添

佢就搞笑表示

希望自己同子溢有多啲感情戏

所以时不时会畀啲“好处”导演

例如万岁个下午茶

氹导演帮佢加戏

讲就係咁搞笑讲

大家都心照

剧本大纲已经安排好

唔係收啲好处就有戏份加嘅

嘉敏咁努力让自己变得更好

仲攞正牌咁“勾引”罗子溢

唔知杨茜尧有冇压力呢

继sexy梁诺妍、

纯情王敏奕之后

“情敌”又新增一个

有网友就话啦

斋得个look执正咗冇用

演技先係关键

而呢个问题

正係嘉敏嘅“硬伤”

依家剧就仲拍紧

不如大家一起期待下

正片出街会唔会有惊喜啦

靓show开售

吴若希

IN·POSSIBLE-广州站

吴若希巡演首站惊喜不断

MV男主现身劲sweet

Jinny化身“舞娘”超吸睛

广州係佢过去首次开个唱嘅舞台

再次回归

势必有更大、更劲爆精彩呈献

喺“可乐生活”官方抖音号就可以买飞啦

艾怡良

不想忘记的名字们-厦门站

不停开show、不停售罄

“姨娘”嘅声音实在受欢迎

【上海站】嘅门票已经售罄

【厦门站】仲有少量余票

想成为佢“不想忘记的名字们”

快啲去“可乐生活”官方抖音号

抢飞啦

来源：可乐生活Color微信公众号

编辑：张子殷

审核：曾敏妍

签发：骆苹