近期热播嘅《玫瑰的故事》

饰演女强人上司嘅朱珠

一开始为事业离婚

最近又为爱情离职

受到大家热议

现实中

朱珠同样为情所困过

之前就爆出过几段坎坷情史

好在最后都潇洒转身

面对抢男友的情况

佢仲讲咗句金句：

“让给她，男人多的是”

依家嘅朱珠

已经有咗幸福嘅家庭

而且作为坚·名媛

佢嘅才华同颜值

从来都冇输过

朱珠近日狂po带方帽靓相

原来佢在法国巴黎商学院毕业

学历升呢到硕士啦

事业、学业双丰收

获得好多网友点赞

另外

朱珠曾连续8年入选

“全球百大最美面孔”

公认嘅有颜值+有品味

日常穿搭都係“教科书”级别

上个月

佢开咗个“二手市集”

卖自己嘅奢侈品同闲置物件

做到全网爆火

被称为娱乐圈大善人

朱珠用咗多日时间筹备

呢个玲琅满目嘅市集

从服饰、香水

到婴儿用品应有尽有

更将LV等大牌嘢

卖出“地摊价”

除咗日常穿搭

朱珠喺剧中嘅搭配都好抢眼

从首部电影《我知女人心》

到出圈电视剧《精英律师》

每套look都衬托出

角色嘅风情万种

呢次嘅《玫瑰的故事》

朱珠同刘亦菲、万茜

又着出“穿搭教科书”

从高级OL到职场新丁

搭出全套都市丽人feel

一部剧带你睇嗮~

//////

朱珠作为职场“老狐狸”

係领导级别嘅人物

所以明艳老钱风最啱佢

睇起身松弛有度、游刃有余

如果想要打造

有气势嘅职场造型

呢两种材质可以帮到你

首先係有光泽感嘅缎面

缎面滑捋捋又清凉

好适合夏天

带柔雾光泽嘅缎面

令佢全身散发贵气

深V修腰、宽松新中式、

裹身大印花等款式多变

款款都展露佢嘅女人味

完整嘅搭配必须有首饰

剧中朱珠钟意用

大体量嘅绿色翡翠首饰

和复古款嘅金色首饰点缀

//////

作为女主角嘅刘亦菲

5集就有32套造型

令呢部剧成为

名副其实嘅“换装骚”

虽然好多人话佢嘅搭配

全靠佢刘亦菲嘅靓样来撑

但时尚艺术生嘅示范

仲係好有夏日feel嘅

职场新丁可以照抄

修腰泡泡袖长裙+玛丽珍鞋

简单嘅穿搭好啱打工人

一件从头到尾搞掂

显靓身材又有艺术气质

夏日炎炎又落雨

点样着短裤上班

又唔会太随意？

可以试下今年大火嘅

衬衫短裤套装

整体穿搭既正式又舒适

仲有呢套

修身嘅黑色西装套装

搭配黑框眼镜&修身T恤

既保留咗学生气

又可以做正式嘅OL套装

想着背心上班

可以试下呢件挂脖背心

唔使惊溜肩斜膊

收腰宽摆嘅设计

仲可以帮你凹出S型

//////

做到中层管理嘅万茜

係上司嘅得力助手

既要帮上司管业务

又要帮上司培养人才

造型清爽简约、够晒中性

係最唔会出错嘅打工人衣着

简约通勤西装

睇落就係业务精英

果绿色、卡其色

配衬印花西装

就唔会太沉闷

另外

西装马甲搭白衬衫

都係唔错嘅选择

用项链和丝巾

装饰下略为死板嘅领口位

都可以让商务范工装

多一份设计感

呐

老钱风、艺术风、精英风

一部剧里全部畀嗮模板

一周穿搭不重复都冇问题啦

来源：可乐生活Color微信公众号

编辑：张子殷

审核：曾敏妍

签发：骆苹