法证先锋6︱戴祖仪饰演“昆虫专家”靠一样嘢克服虫虫阴影　难忘炎夏着三层厚保护衣深入沙井

《法證先鋒VI：倖存者的救贖》（下簡稱《法證先鋒6》）熱播當中，戴祖儀（Joey）在劇中飾演法證部科學鑑證主任方凱欣，與同為飾演法證部技術員的林正峰，及飾演Madam的阮嘉敏有不少對手戲。日前一集中，劇情講述凱欣在星柏（黃宗澤飾）帶領下，以豬屍做實驗為一宗沙井屍體發現案進行調查，期間「昆蟲專家」凱欣將屍體上的蛆蟲收藏起來飼養，想不到那些蛆蟲最終竟成為破案關鍵！

為了凸顯真實感，Joey在鏡頭前要夾實兼望實蟲蟲講對白，問到Joey當時感覺及驚唔驚時，她笑言真實的自己十分害怕昆蟲，並笑言全靠「以毒攻毒」克服陰影：「因為細細個踩單車返學，一到夏天就會見到好多半天吊嘅蟲，成日都會突然畀啲蟲襲擊到塊面，所以由細到大都好驚。但因為我個角色成日要拎起條蟲做化驗，我就發現原來當你冇退路時，就會克服到自己嘅恐懼。」在劇中勇氣無邊的Joey，除了掂蟲蟲，前晚（15日）一集又與法醫Dr.范（蔡潔飾）齊齊著重裝備深入沙井進行調查，談到相關情節，Joey坦言是拍攝時碰正天氣炎熱：「嗰套衫總共有三層，都真係好熱同好焗，落到去有啲難通風，我都出咗好多汗，可以當減肥。好彩工作人員好錫我哋，拎咗好多風扇同櫈畀我哋休息，同埋盡快拍完畀我哋上番去，所以都Ok嘅。」