梁诺妍爆五个月大细女真实性格治癒甜笑俘虏网民：似笑佛

梁诺妍爆五个月大细女真实性格治癒甜笑俘虏网民：似笑佛右眼仍见士多啤梨痣

36歲的梁諾妍（Inez）與40歲的洪永城（Tony）向來是圈中一對模範夫妻，今年3月他們喜迎細女（Beryl），組成幸福四口之家！轉眼間，Beryl已經五個月大，Inez都有喺社交平台分享這份喜悅，並大爆囡囡私下真實性格：「笑佛仔阿妹報到，仲有3日就5個月啦！暫時留意到阿妹性格係好直率好直接，唔係0 就100，開心時就特別開心，唔開心就大爆喊到成幢樓都聽到，一發不可收拾不過大部分時間阿妹都係笑呵呵個笑容特別治癒呢！附上最後一張洪永城蠱惑樣。」

IG：@inez_leong

Inez一連曬出多張Beryl的萌照，5個月大的囡囡勁活潑！每一張都見她笑到唔見眼，治癒笑容俘虜大批網民，紛紛留言激讚到：「笑佛」、「好可愛啊！洪啤啤」、「每次見真係超得意，真係好想攬住錫」、「一屋三個洪永城」、「笑容好似你阿」、「終於搵到嘞。。。最尾果張似媽咪。。。」等。圈中好友楊茜堯、黃翠如等人都大讚宝宝好得意。而剛剛榮升做媽咪，誕下囡囡Camila的連詩雅就表示非常期待兩位小朋友見面：「Can’t wait for Beryl and Camila to meet」。