法证先锋6︱蒋祖曼首度挑战喜剧角色　激减15磅演自恋名模：啲衫真係有少少肉都着唔落！

《法证先锋VI：倖存者的救赎》（下简称《法证先锋6》）两位男主角黄宗泽Bosco及袁伟豪有新感情线，分别是饰演名模苗娜娜的蒋祖曼Joman及珠宝设计师吴书婷的傅嘉莉。

当中以饰演硬朗专业人士见称的Joman，这次将挑战自己首度在剧集中行搞笑路线，Joman受访时坦言感激佳导赏识：“佳导搵我时同我讲：‘Joman，係时候试吓唔同嘅嘢喇喎，今次有个好好玩嘅角色畀你做。’虽然我做咗演员好多年，但我都有好多角色未试过，同埋我一路以嚟演嘅角色都唔係我嚟，虽然我个样好似好专业，但其实真人唔係咁，所以我每次做功课都会失眠，担心观众会唔会唔习惯唔锺意。”

谈到《法证先锋6》角色，Joman透露是一名自带喜感、有信心兼自恋的超级名模，并笑谓与自己有少许相像：“佢都係睇落好硬淨，但其实係鳄鱼头老衬底，又有少少喜剧性质喺度，我好希望可以拎住呢份可爱。我个人都有喜感嘅，但因为我劲I（Introvert），要对住好熟嘅朋友先表现到出嚟。”谈到与Bosco首度合作，Joman笑言“初初好惊佢”：“因为佢做嘢好认真，睇落去好似好恶咁，但事实佢係超Nice，好感激Bosco拍摄时帮咗我好多，佢所有嘢都好快好准，又会主动畀意见我。”

除了首度挑战喜剧角色，是次亦是Joman拍剧以来最多靓衫着的一次，为了着出名模感，本身已算瘦底的Joman，更在短时间内激减15磅精益求精，Joman谓：“我一接咗部剧第一样嘢係减肥，因为至少外形都要说服到观众係Model先，所以唔可以畀自己有多馀嘅肥肉。准则係如果身边人话我瘦咗好多，咁就唔啱喇，我目标係减到大家都要话我瘦得滞。今年年头，大家都话我瘦得滞，嗰段时间应该係我人生最轻。但当我减完试造型，就好庆幸自己Keep咗弗，嗰啲衫真係有少少肉都着唔落，同埋有啲衫係设计师自己嘅Show Piece，由手袖、首饰到脚嘅配搭都係落足心思。”