《九龙城寨之围城》五月上映

到依家啲热度都未减退

前两日因为佢成功入选咗

奥斯卡“最佳国际剧情片”

所以又举行咗一次

隆重嘅谢票活动

“龙卷风”古天乐作为主演

好自豪呢部电影入选

呢部电影还原咗旧社会时嘅香港

唤醒唔少观众对老港片嘅情怀

话说《九龙城寨之围城》里面

九龙城寨嘅场景

係根据历史记录里面嘅描述

实景还原拍摄嘅

当时就有好多人希望

可以到呢个拍摄场景参观

感受一下电影中嘅港味氛围

就喺寻日

电影制作方就将“九龙城寨”

拍摄嘅部分场景1:1咁还原

放喺香港机场展出

俾游客打卡

“城寨四少”打趸嘅茶餐厅

“陈洛军”买糖嘅士多

甚至仲有佢瞓觉嘅屋顶

都从电影中“走”到现实

电影中“龙卷风”经营嘅发廊

原封不动搬到现实

好似下一秒就会引发

一场江湖嘅腥风血雨

场景里面各种细节都有

蜜汁叉烧饭、玻璃樽汽水

橱窗里面嘅脆皮烧鹅等等

游客真係可以完完全全

化身电影中嘅角色

沉浸式感受《围城》嘅市井味

呢个展区从依家开始

到11月22日都会喺香港机场

对所有游客开放

之后仲会移步去商场里面

继续展览添

▓▓▓▓▓▓▓▓▓▓▓░░░░努力加载中……

~well~

想去香港睇“九龙城寨”

可能要等下个假期先有时间

可乐君就帮大家搵到

广州自己嘅“九龙城寨”

仲有唔同布置风格

而且就喺市区、地铁直达噶

灯红酒绿

位于天河嘅文和友

曾经热闹非凡

要排队等号先可以入去

近几年佢渐渐冷清

但里面依然保留住旧港风装修

好啱作为场景打卡影相

熙熙攘攘嘅大排档

有折凳、胶椅、不锈钢筷子筒

各种市井味嘅布置

高低参差嘅霓虹灯广告牌

随意张贴嘅港风海报

仲有整体昏黄嘅灯光

完美打造旧式香港风情

文和友内仲有几个房间

布置成八九十年代

港式家庭嘅面貌

皮沙发、矮冰箱、暖水壶等等

打卡摆拍特别有feel

市井朴实

逛过文和友嘅朋友就知道

佢嘅风格比较city

如果想感受更贴地市井嘅味道

就可以去珠影嘅

“七十二家房客拍摄地”啦

嗰度直接就係

情景剧拍摄嘅摄影棚

所有嘅场景

都同剧中一模一样

游客甚至可以去到

每一个“房客”嘅屋企

坐佢啲凳、瞓佢张床

试用埋佢嘅砂煲罂罉

七十二家房客拍摄地

还原咗剧中各种楼道、楼梯

穿梭其中

真係几有九龙城寨中

错综复杂嘅山城感觉

咁多种唔同感觉嘅

“九龙城寨”

唔知大家最想去边一个咧

资料来源：微博、剧照、小红书等

网络信息综合整理

广州打卡图片：郭   玮

编辑：郭   玮

一审：曾敏妍

二审：董华海

三审：骆   苹