郭珮文自爆與TVB續約至2030年冇人工加 曾陷半年零工作低潮. 《2026香港小姐競選》「全球招募最後召集」活動日前舉行，郭珮文（Juliana）盛裝出席，接受《香港01》訪問時透露最新工作動向，自爆同無綫續約至2030年，簽一年6個騷。佢話自己唔叻搵關係，背後有大公司支持係好事。問到續約條件，佢透露新約簽一年6個騷，至於有冇要求加人工或做女主角，佢笑言順其自然：「大家一齊努力啦，希望到時工作好啲。我都想試吓做女主角，但最近覺得自己仲未夠班。」被問到有冇加薪，佢害羞笑住話「冇呀」。

郭珮文又話，雖然現時備受力捧，但之前都經歷過半年「零工作」空窗期，坦言感到迷惘同壓力：「因為呢行唔穩定，唔知自己幾時再有工作，一定會擔心。但擔心得嚟都無用，唯有盡量利用呢段時間去充實自己。」低潮期間佢積極學唱歌、做運動，用興趣排解負面情緒。TVB