羅馬官方宣佈，從博洛尼亞引入21歲阿根廷前鋒卡斯祖（Santiago Thomas Castro），簽約五年，據報導轉會費 3500 萬歐元 + 200 萬歐元 add-ons ，另外加 10% 下次轉會分成，將會身披9號波衫。

卡斯祖過往喺博洛尼亞上陣105場入22球加上有13次助攻，呢位阿根廷前鋒喺羅馬官方頻道接受訪問時表示自己有好多方面需要改進，不過佢亦都喜歡幫助球隊，包括重奪控球權、製造助攻或者利用走動令隊友可以入波，佢並不會只關注數據，更加着重球隊整體嘅狀況。

出身於沙士菲嘅呢位前鋒亦都表明參與歐聯係細個時候嘅夢想。