【娛樂新聞】《愛．回家之三代同糖》完整角色陣容全公開.全新處境喜劇《愛．回家之三代同糖》今晚（8月10日）起逢周一至五晚八點翡翠台首播，劇集以車婉婉、吳若希及李茵彤飾演的唐家三代女性為故事軸心，講述叛逆外婆亂入單親職場媽媽與Z世代女兒的生活，在柴米油鹽之間拆解親情心結，讓愛回家。劇組今日公開完整角色陣容，讓觀眾率先認識這班新「屋企人」。

車婉婉飾演嘅唐曹嘉冰，係一位精明堅毅、持家有道嘅家庭主婦，一輩子相夫教子嘅傳統女性，竟突然覺醒從加拿大「離家出走」，聲稱要回港追尋當年嘅歌星夢。吳若希飾演嘅唐萬里（Lesley）係跨世代公關公司客戶總監，自信聰慧、力求完美，作為單親媽媽與女兒唐芯相依為命，卻因母親突然回港而生活大亂。李茵彤飾演嘅唐芯（Zelia）係一位鬼靈精怪嘅斜槓少女，與80後母親萬里三觀各走極端，與素未謀面嘅外婆嘉冰迅速組成「大小不良陣線」。

其他主要角色包括趙浚承飾演嘅楊帆（Addison），為前男團成員轉型幕後，空降成為公司商務總監，與萬里平起平坐處處針對；李偉健飾演嘅曹嘉聰（Terry）係隱世漫畫家，化身最強奶爸照顧外甥孫女；何依婷飾演嘅朱圓圓（Emma）係高級客戶經理，豪門夢碎後決心向上爬，與萬里相愛相殺；容天佑飾演嘅高冠一（Winson）係公司CEO，銳意革新安插好友楊帆入公司；侯雋熙飾演嘅楊光（Dex）係實習生，因理念不同經常同哥哥楊帆鬥嘴；周志康飾演嘅何文謙（Marvin）人稱「何媽」，係細心顧家嘅半職員工；吳兆麟飾演嘅范特栖（Fantasy）視楊帆為師父，有「闊太殺手」稱號；關曜儁飾演嘅安多勳係健身教練，給予女友萬里滿滿情緒價值；潘靜文飾演嘅莫希靈係總監助理，經常闖禍要萬里收拾殘局；林沚羿飾演嘅曾碧池（Leanne）八卦成性，專門搞風搞雨；廖家爵飾演嘅鐵金剛（King Kong）係開心小棧兼職店員，對女友絕不吝嗇；洪曼芹飾演嘅巫慧慧係數碼行銷主任，沉默寡言但係AI神童；胡敏芝飾演嘅盧漢娜（Hannah）係商科大學生的進取型GenZ，以儲錢買樓為目標。新劇今晚首播，期待這班新角色為觀眾帶來歡樂。TVB