《2026香港小姐競選》12位佳麗今日（13日）於將軍澳一酒店進行泳裝拍攝，齊齊穿上斜膊兩件頭泳裝示人，展示近月來努力操練的美好身段，惟泳裝性感欠奉，連參賽以來最有「睇頭」的（5）魏欣也似乎有點失色，至於（4）譚雅文則繼續以腹肌取勝，狀態大勇。

魏欣與（6）盧蔚晴一同受訪，談到今次對自己泳裝表現，二人異口同聲表示沒有壓力，又表示視對方是共同進退的好伙伴，齊齊努力減肥，盧蔚晴説：「綵排過幾次，幾滿意表現，冇出錯。」她指昨天有刻意減少飲水以防水腫，亦笑稱有刻意忍口減食：「有試下夜晚食少啲，但失敗咗，哈哈！因為肚餓，食咗炒麵同水果。」

提到跟之前公布的數字比較，二人的三圍數字也似乎縮了水，魏欣説：「其實都好了解自己身體，所以度體重前刻意脱水等自己輕啲，嚟緊到決賽前嘅行程都好緊湊，會希望增返少少體重，等自己睇落更健康同精神。」她表示之前以「脱水」為主減了4kg，但現已回升了3kg，承認上圍由參賽時的34.5吋，縮水至現時的33吋，腰圍則同樣縮到得21吋。

譚雅文與（7）楊媛媛身形與體態數字亦見成果，齊齊展示模特兒身形，當中譚雅文更大晒強勁腹肌。楊媛媛透露近日努力做運動操腹肌，坦言仍未達自己目標：「希望到決賽可以畀大家睇到，依家仲未係好出，譚雅文就一直都好弗！」她表示有向對方請教如何分配時間做運動，自己一直也有請當私人教練的朋友幫忙，指對方近日也因應決賽在即而對她加強訓練強度。譚雅文則表示每天也起碼抽45分鐘做運動，因運動可讓她解壓。提到臨近決賽，要忙應付訓練和出席活動，每日休息不足，會否擔心比賽當日狀態不足甚至爆瘡？她説：「如果到時爆瘡要麻煩啲化妝師，哈哈！」楊媛媛則笑稱已練成任何時候只要有空檔便可即時入睡，又笑言自己睡覺不會流口水，不擔心被影「黑圖」。