歌手譚嘉儀今日（13日）38歲生日，佢借機宣布佢獲圈外男友求婚，佢亦大讚係佢「人生中最好的禮物」，對方係神差派嘅守護天使，無私為佢付出及無限包容，更非常痛錫佢家人！譚嘉儀以一身紅白谷胸長裙上陣，獲男友於意大利一個戶外花園浪漫求婚，很浪漫時陽光正好，襯托出二人幸福心情，令畫面滿滿粉紅色泡泡。男友單膝跪下求婚，為譚嘉儀戴上超巨型鑽石戒指，二人即時感動相擁，譚嘉儀笑意盈盈，場面羨煞旁人。

譚嘉儀發文如下：💍💍💍💍 yesssss 我願意♥️我們訂婚了🤵🏼👰♀️在生日的日子宣布人生中最好的禮物🎂🎁感謝神讓我遇到你，我覺得自己好幸運♥️自從生命中最重要的男人——爸爸離開之後感覺是神差派了你成為我的守護天使謝謝你對我無限包容💕一個人擁有多少並不重要重要的是一個人願意為你付出多少是你讓我領略到這個道理永遠都為我付出 100%讓我感受到甚麼是無私的愛除了我之外還非常疼錫我的家人感受到真正的愛屋及烏♥️往後的日子要多多指教☺️Mr & Mrs 🤵🏼👰🏻in the makingLove you ♥️求緣分來到 💕便執手可到老亦心知不會再有更好🫶

譚嘉儀接受東網訪問時坦言未婚夫是朋友介紹認識的，又指對方因為是圈外人，所以一直都保持低調。說到意大利求婚當浪漫時，她表示：「之前去意大利旅行嘅時候，原來佢偷偷哋買咗隻戒指過去，畀驚喜我，真係好感動、好驚喜。」說到她突然閃婚，收得好密時，她又謂：「當然有通知身邊嘅好姊妹，佢哋都好驚喜、好戥我開心。」

好姊妹黃嘉雯受訪時亦表示：「係呀！我哋班姊妹都幫佢守咗呢個秘密一段時間，真係好戥佢開心，可以搵到佢嘅幸福！」

莊思明向來跟譚嘉儀份屬好姊妹，早前思明於吉隆坡舉行婚宴，嘉儀都有親到現場及唱歌，如今嘉儀突然公布婚訊，思明接受東網訪問時謂：「我都知佢結婚，係朋友同我講，但都明白佢想低調，所以我都冇主動問過佢，（見過佢男友未？）我冇見過佢男朋友㗎！因為太低調啦！祝福佢百年好合，永結同心！最緊要每日都開開心心。」

陳庭欣受訪時坦言吃飯時見過譚嘉儀的男朋友，又謂：「恭喜佢呀！佢嘅婚禮我哋一定會請定假出席，為咗佢乜嘢Job都唔接。」藝人鄧伊婷與譚嘉儀十分老友，對於嘉儀突然宣布訂婚消息，鄧伊婷回覆稱守了這個秘密很久，終於可以講了，她開心表示：「有見過佢未婚夫，好錫嘉儀，好戥佢開心呀！」又大讚嘉儀的未婚夫高大有型。