【娛樂新聞】港姐2號李澤欣受腸胃炎困擾致水腫 自信備戰決賽：參選嗰刻已贏咗自己.《2026香港小姐競選》今日（13日）在將軍澳一間酒店舉行記者會，12位候選佳麗首度以泳裝亮相會晤傳媒，展示訓練多時的美好身段與自信魅力。大熱2號李澤欣（Scarlett）以勻稱線條登場，神采飛揚，但佢受訪時自爆近日受腸胃炎困擾，身體有微水腫，直言狀態可以更好：「如果正常嘅話，決賽嗰日收返啲水，應該會再fit啲同好睇啲。」佢表示水腫可能係休息不足或食錯嘢所致，強調自己並非極端節食，而是「七成健康飲食、三成跟心情」，重要日子前會夜晚八點後停止進食。

已公開戀情的Scarlett透露男友相當成熟，有心理準備，但因備戰決賽如置身「軍營」，整個月只見一兩次面，靠WhatsApp聯絡，感情依然穩固。被問到奪獎信心，佢坦蕩回應：「傳統要攞獎嘅話，我有信心；但如果係對自己嘅定義，參選嗰刻已經贏咗，因為挑戰咗自己。」佢又透露會重溫歷屆佳麗問答環節，為決賽做足準備。TVB