【娛樂新聞】港姐10號陳梓穎泳裝亮相 自爆全身搽「美白神器」：我天生黑.《2026香港小姐競選》今日（13日）在將軍澳舉行記者會，12位候選佳麗首度以泳裝會晤傳媒。10號陳梓穎（Cecilia）受訪時大方分享備戰點滴，直率自爆為了泳裝亮相，全身塗上「身體素顏霜」美白：「自從外景返嚟之後，成個人黑咗一圈，所以塗咗會白啲。我天生就黑，細細個好鍾意游水，屋企人又冇叫我塗防曬，曬黑咗要好長時間先變白少少。」佢坦言比唔上其他天生白嘅佳麗。

講到體態管理，陳梓穎透露冇刻意絕食，但會控制飲食，尋日訓練到好夜食咗兩啖餅。佢話三圍其實瘦咗，但體重重咗0.5公斤，笑言可能係頭髮長咗。對於決賽，佢坦言有壓力，希望可以再減多少少，尤其係個肚腩：「剛才真係有縮肚，唔想啲腩肉走出嚟！」雖然有壓力，但佢表示對目前狀態尚算滿意，會繼續努力備戰。TVB