【娛樂新聞】港姐6號盧蔚晴首以泳裝亮相 自爆濕疹留痕：會剃毛遮住.《2026香港小姐競選》今日（13日）在將軍澳酒店舉行大型記者會，12位候選佳麗首度以泳裝亮相會晤傳媒，展現訓練多時嘅修長身段。6號盧蔚晴（Jasmine）憑均勻身形與自信表現備受矚目，受訪時坦言對自己嘅狀態非常滿意：「我平時都維持呢個身形，保持到我都覺得好自豪。」佢透露主要靠做Pilates雕塑線條，令上鏡效果更佳。

被問到大腿後側有微細痕跡，Jasmine坦誠回應話自己並無刻意磨砂，只係做好基本清潔：「大家見到大腿後面嗰啲，因為我從小到大都有濕疹，嗰啲係濕疹留低嘅痕跡，到時我會遮返住。」佢補充指濕疹已受控，轉季時會嚴重啲，但搽藥膏後就冇事。講到奪獎信心，Jasmine謙遜表示能成為12位佳麗之一已好榮幸，但被問到會否選自己時，佢即展現自信與幽默感：「我選自己啊！我想攞冠軍！」大方回應獲網民讚好。TVB