話題轉得好快！「《功夫女足》好唔好睇」似乎已經無乜好傾大家比較關心嘅係，「邊個周星馳訪問做得比較好睇」

雖然訪問係ViuTV先播出之後再到TVB，但根據肥谷在《晴朗》嘅解說 ，原來當日選址尖沙嘴1881拍攝係由電影公司嘅安排：TVB拍先、再到ViuTV採訪，同場仲有馬來西亞及新加坡媒體輪住做
睇完兩個訪問，不得不佩服嘉玲姐的化學作用，TVB同ViuTV嘅訪問入面，最幫到手嘅都係劉嘉玲，不過TVB黎芷珊就明顯較識利用呢個優勢，偈傾時利用「師太」進行助攻 氣氛輕鬆不少
ViuTV《爆谷一周》被安排拘謹嘅排排座訪問場地無得揀坐位布局卻被詬病將肥谷放做中心其實《爆谷一周》3季以來，向來都係將主持放側邊與嘉賓進行對話，今次特殊安排，唔知係場地限制，定係肥谷自己揀？
不過訪問實在有不少尷尬同冷場位，開場提及自己返大陸睇 《功夫女足》「啲細路開心到喺場內跑來跑去」訪問時已經發生咗陳凱琳子被淋Cream事件連嘉玲姐聽完都問會唔會好騷擾真係唔知點回應
最尾肥谷一句「如果路蘭搵你做葉問，你拍唔拍？」亦被不少網友評為九唔搭八相對而言TVB訪問入面嘉玲姐主動提及想拉攏梁朝偉周星馳「復刻430」 又提到二人入行前周星馳拿8米厘攝錄機執導首部作品兩個訪問同一晚出街，難免比較足夠大家討論大半日
#功夫女足##周星馳##劉嘉玲##黎芷珊##谷德昭##TVB##ViuTV#综艺娱乐电影功夫女足功夫女足TVB