谭咏麟 📢 【ATI 譚詠麟學堂】登陸 微博 & 小🍠喇！臉書專頁同步推出！🥳✨不經不覺，ATI 今年已經步入第 23 個年頭！🌱

想同新加入嘅朋友仔簡單介紹一下 ATI 嘅歷史：23 年前，一班默默支持 Alan 嘅朋友仔喺討論區相識，每日留言、分享生活點滴，呢份凝聚力漸漸衍生出屬於我哋嘅「小課室」。直到 2003 年「左麟右李」簽名會，大家決定打破螢幕相約見面，並於同年 8 月 7 日正式成立咗 ATI 譚詠麟學堂！能走到今日，全憑大家一直以來對 Alan 無私嘅支持同愛護！❤️（有睇 Alan 香港站演唱會嘅朋友，應該對演唱會上 AI 片段介紹 ATI 團隊有 D 印象吧，就係我哋呢班「痴咗線歌迷」🤪🎶）今年我哋為咗 Alan 香港站演唱會，特別舉辦咗一個「時光展」應援活動！喺展覽期間，我哋好榮幸認識到好多來自世界各地嘅歌迷朋友。考慮到大家平時使用嘅社群平台各有不同，為了方便大家溝通交流與獲取最新資訊，我哋除了全新推出 臉書官方專頁，亦決定正式開啟 微博 同 小🍠 帳號！希望能同大家認識更多，互相分享關於 Alan 嘅點點滴滴！✨

❤️【ATI 譚詠麟學堂】宗旨我哋希望能認識世界上每一個麟迷，大家共同交流，不分疆土各界！只要你同樣熱愛 Alan，譚詠麟學堂（小課室）就係你嘅專屬聚腳點！🔥

💡 歡迎大家在各平台加入 ATI 大家庭，一齊我愛譚詠麟！❤🔥（註：各平台帳號及搜尋路徑如配圖所示👇🔗可見評）譚詠麟ATI譚詠麟學堂