馮盈盈連環到學校任講座嘉賓 終極回應離巢傳聞：籌備緊開公司
馮盈盈現身將軍澳電視城出席無綫《飲茶》宣傳造勢活動，接受訪問時表示：「嗱，一定會繼續做呢行，因為藝人永遠係我職業，長期都喺呢度發展，同埋會不斷咁拍節目嘅。至於會唔會有啲新嘗試，例如去學校度開講座，講真未來都想嘗試吓有自己嘅教育事業同埋會開公司，變咗依家都籌備緊開公司。而講座方面主要都係講學習讀書嘅心得，又或生涯規劃，又或者點樣去平行自己嘅心理壓力，同埋學習面對壓力咁樣囉。（同無綫傾咗續約問題未？）呢個問題要問經理人喎。」此時身旁羅家英插嘴說：「唔續約嗰個係笨蛋。」（家英哥咁講係咪好大壓力，唔敢唔續約？）馮盈盈面露尷尬說：「我諗我嘅經理人好大壓力，因為聽到家英哥呢一句。」
