张兆辉专访｜电视台竞争激烈，人人排队等上位，不少人为求机会会主动到监制房叩门，张兆辉也有过一次「上监制房」经历，当时正拍摄《天地男儿》饰演衰仔「大飞」的他，想试用新演法：「渠系黑社会『bi-li-ba-la』嗰啲咁样，有次唔知俾我喺街睇到一个人系咁样，我就觉得，咦？我可以咁样用喎，我就拍咗两晚，通宵戏，跟住个监制就话『你咁样唔好喎。』我话『因为我想呢……我成日都系做呢啲正派慨人，而家呢一个咁样做好唔好呀？』佢话『唔好，因为你同其他人比…你Overacting。』」最终，他被要求做回「张兆辉式古惑仔」，他无奈表示：「我冇争取过咩？我有争取过；得唔得吖？唔得，咁不如唔争取。」最终，辉哥在2002年左右选择离开TVB，他否认是心灰意冷，主因其实是家庭。 在TVB做够20年，原来会获赠一条金链，但他宁愿在第19年提前解约，放弃金链，只因不想错过孩子成长。 「拍电视你知啦，我哋都真系得两个钟瞓觉，一拍慨时候，嗰时时装剧20集就两个月一套，两个月好似失联咁㗎喇。所有人都联络唔到你，最紧要你就拍嘢先。如果我屋企小朋友有啲乜嘢，咁我咪心挂挂？或者渠头晕身㷫、半夜发烧，要去急症室，咁又系我太太去做呀？咁样好惨㗎。」因此他决定退出幕前，全力支援太太的美容生意，本以为就此淡出，但正如辉哥在访问中讲到，做演员其实好等机会：「如果你撞正，就唔同㗎喇。」一年后，机会竟从天而降，杜琪峰（杜Sir）约他吃饭，随口一句「咁得闲，拍吓嘢啦！」他丝毫没有犹豫便答应，凭着《大只佬》的火爆警察钟Sir正式进军影坛，从此一套接一套，成为杜Sir及银河映像的御用班底。 之所以答应回归演艺圈，除了电影拍摄时间较短，不会像电视剧般困身，拍完便能回家，但辉哥不讳言，起初亦很好奇为何杜Sir会突然想起自己：「我问渠，点解咁耐冇见你记得搵我慨？佢话冇，『咁啱嗰次我返加拿大，冇嘢做，租咗套《倚天屠龙记》，睇吓你哋啲人拍成点先！』佢话『见到你拍杨逍，OK喎，几稳阵喎，咁就搵你拍吓嘢啰。』」虽然在影圈未必是主角，但至少能让观众留下深刻印象，拍过不少叫得出名的角色。他坦言杜Sir确是自己最大的伯乐，指示清晰、默契十足，「我记得有一次拍《黑社会》，有张兆辉、张家辉、梁家辉三个，其他导演就会话『家辉你咁样啦，兆辉你咁样啦。』但杜Sir就『阿边个边个，你去嗰度攞支枪，攞过嚟……』其实我哋好集中精神听，佢话『阿边个你过到去，就俾佢扑一下啦！』渠一讲我就知要做乜嘢，咁系咪即系已经有默契？」 提到《黑社会》，戏中那位漏口律师「师爷苏」绝对是他的代表作之一，每次网上讨论他，总有人提起「师爷苏」这个名字。记者一讲起，他即时幽默地「师爷苏」上身，口吃地回应：「真…真系？真…真系讨论我呀嘛？点…点解呀？」原来角色的灵感，来自TVB其中一位导演，「有一次杜生喺度食饭，就讲起呢个导演，咁我就讲『Long…Long Gun呀嘛？』佢话你真系扮得似。如是者突然间渠有一次话，不如用呢个形式去做呢样嘢（角色）呀，我话都好喎，律师好少可会咁『捩𠾍』，『真……真…真系咁讲？』就系咁样融入咗落去。」 另一个令他印象深刻的角色，是《放．逐》中的经纪人，专门转介杀人任务赚钱。其中一场戏，他在旅馆房内，要逐个走到张家辉、黄秋生、吴镇宇、张耀扬、林雪耳边讲「杀呢个就几多钱，杀嗰个又几多钱……」辉哥紧张得不得了，他解释：「一入到去，哗！对住几大影帝，嗰张剧本就系……正如我所讲冇剧本，化妆慨时候，三页纸，哗，全部都我讲慨？」压力在于房内所有猛人的目光皆聚焦于他一人身上，稍有差池，整场戏都立即大打折扣，不过好彩杜Sir指示清晰，对入戏很有帮助，最终他在压力下顺利完成，直呼非常过瘾，「返嚟都觉得咦？合格喎， OK，好开心，学到嘢！」 杜Sir在圈中出名爱闹人，甚至有人恶搞过他办公室「止于至善」的匾额，改图成「做错就X」。不过，辉哥就表示自己从未被对方闹过：「杜生好少闹演员，除非⋯⋯渠讲好多次你唔明，或者你唔知道自己做乜，或者你唔熟对白，渠都会讲两句，第三次先闹你慨啫。我见就冇闹过，其实渠系闹咩呢？渠系闹一啲工作范围慨人员，或者……你知渠可能心急，讲完之后你就要快啲啦，『搞咩呀？搞半日都仲未搞掂！快啲啦！嗰盏灯拧过啲啦！』其实嗰啲渠可能系心急，但系演员嚟计，我真系未俾佢闹过，除非都话你完成唔到渠要求，或者你真系你自己喺度懒懒闲，唔记对白，又唔知自己喺度做乜，又挂住倾偈，咁你就死梗啦！实闹梗啦！但我真系未试过。」最后，问到杜Sir可有说过什么让他铭记一生的话，他立即一秒杜Sir上身：「醒醒定定呀嗱！同渠拍戏呀，『醒醒定定呀嗱！』自己出嚟见到啲人慨时候，又醒醒定定，对事你又要『醒醒定定呀嗱。』」这六字真言，值得你同我记低。
