【On.cc】莊思敏超激Deep V婚紗曝光　吳若希大唱《越難越愛》贈興

藝人莊思敏尋日（8日）低調下嫁圈外男友黃耀彬（Matthew），二人年半前撻着，拍拖未夠兩年就決定峇里島一間酒店舉行婚禮，愛得轟烈。莊思敏今日分享多張婚禮現場靚相，並說：「多謝大家的祝福，由於男方是圈外人我們決定低調處理。希望大家給予我們空間。謝謝大家！」她接受東網訪問時，表示不是奉子成婚，問到那麼快再婚，她說：「我覺得做人係要勇敢啲嘅。」

而王晶女兒王子涵更在社交網貼出接得花球的畫面，莊思敏轉發其貼文笑說：「下一個到你啦」。另外，吳若希亦分享跟莊思敏的合照，她笑指：呢張相～姐很美麗，姐夫沖緊入嚟爭我姐～而我，仲未ready好」，又感動表示：「我好開心，有人比我更加欣賞姐的好～將所有最好最靚嘅嘢都俾我姐～～因為你值得世間上最美好的人和事。」

莊思敏分享婚禮現場靚相，感謝大家的祝福。

幸福滿瀉。

浪漫煙花。

深情咀嘴。

心情勁靚。

王晶女兒王子涵接得花球。

吳若希發文祝福莊思敏。

莊思敏今次閃婚絕對care free，為佢化妝嘅婚禮化妝師大讚女神「太美了」，公開完成妝化後嘅合照，意外爆出莊思敏超激Deep V婚紗，胸前灑上閃粉，令本身已經有倒奶效果嘅4吋事業線更加搶眼，另外佢又換上紅色透視新式旗袍。化妝師仲爆料指莊思敏同老公對佢哋好信任，從化妝到結束都任由眾人發揮，即刻識做祝賀一對新人新婚快樂。

莊思敏低調二婚，收收埋埋都係被發現。

莊思敏一襲超激Deep V婚紗谷出迷人事業線。

同時，有網友喺同一間峇里島嘅酒店入面剛好碰上二人嘅草坪婚禮，指歌手好友吳若希於現場大唱《越難越愛》，見莊思敏與老公跟住音樂揮手，非常投入好友嘅演唱。而好友黃建東則負責做婚禮司儀，佢亦好尊重一對新人，未有公開婚禮上嘅相，但就上載咗唔少身處峇里島嘅相。網友驚訝吳若希大唱情侶之間嘅痛愛，令網友不惑佢係攞景定贈興，但其實佢已經唔係第一次喺好友婚禮上唱《越難越愛》，早前佢同麥美恩獲邀出席飲食集團太子婚禮時，就已經上台合唱同一首歌。

有網友就以早兩日亦宣布結婚嘅胡定欣老公比較，早年莊思敏與胡定欣被傳為爭歌手吳浩康而成死敵，二人亦先後同吳浩康拍拖，今次二人婚事日子相當接近，即成網友討論對象。

吳若希現場大唱《越難越愛》，一對新人都好enjoy。

婚禮請帖講到明唔畀影相拍片。

黃建東負責做婚禮司儀都冇影到個婚禮。

最多都係影咗份回禮。

透露出係草坪婚禮。