無綫花旦劉佩玥（Moon）近日在廣州舉行首個個人音樂會，獻唱《海闊天空》時被指欠缺表情管理，面目猙獰，更有網民點評Moon當日穿上的紫色中性西裝與其氣質極不合襯，令她秒變「Joker」。對此，她在社交網表示：「感謝感謝！大家嘅意見我都收到晒，由完Show嗰一刻我一直反省自己嘅不足同不滿意。我知道自己係唱歌BB班，真係有力有不逮嘅時候，顧得音樂節奏歌詞，又完全唔記得咗表情管理...我自己都覺得好醜怪！但我好鍾意音樂，好享受舞台！雖然今次有好多不足嘅地方，但我會好好努力同進步，下次一定做得更好！非常多謝大家嘅支持同意見。」她又指：「希望大家就算見到呢一段片唔係咁鍾意，可以得閒睇吓音樂會嘅其他歌（16首入面仲有劇集穿歌Medley）嘅片，可能有一首你會鍾意。」