非洲國家盃分組賽首輪全部賽事結束，所有強隊表現對版，三分都盡入袋中。身處F組備受關注嘅喀麥隆壓軸出場，面對強敵加邦。兩支踢到附加賽先無緣來年世界盃決賽週嘅球隊，會否用非洲盃來「祭旗」都係球迷關注嘅一個點。不過比賽進程特別係精華就基本落喺一隊身上，效力西甲利雲特嘅射手伊榮（Karl Etta Eyong）6分鐘就射穿麥巴巴（Loyce Marius Mbaba）嘅十指關，不過當值球證就需要VAR協助先最終落實入球有效。及後加邦換上今季重返馬賽嘅奧巴美揚，但係全場僅錄得6次成功傳球同1次有效攔截，進攻方面表現疲軟- 1射0中以及1次單對單過人失敗。而喀麥隆後備入替，效力圖盧茲嘅射手麥利（Frank Magri）下半場還有一次近距離頭槌中楣彈出，錯過擴大比數嘅機會，「非洲雄獅」帶住1-0嘅比數至完場。非洲國家盃分組賽首輪賽事賽果-Group A摩洛哥🇲🇦2-0 🇰🇲科摩羅馬里🇲🇱1-1 🇿🇲贊比亞Group B南非🇿🇦2-1 🇦🇴安哥拉埃及🇪🇬2-1 🇿🇼津巴布韋Group C尼日利亞🇳🇬2-1 🇹🇿坦桑尼亞突尼西亞🇹🇳3-1 🇺🇬烏干達Group D民主剛果🇨🇩1-0 🇧🇯比寧塞內加爾🇸🇳3-0 🇧🇼博茨瓦納Group E布基納法索🇧🇫2-1 🇬🇶赤道幾內亞阿爾及利亞🇩🇿3-0 🇸🇩蘇丹Group F科特迪瓦🇨🇮1-0 🇲🇿莫桑比克喀麥隆🇨🇲1-0 🇬🇦加邦 🌍⚽️🏆🇲🇦