非洲國家盃分組賽進入第二輪角逐，全場挨打嘅馬里面對主辦國摩洛哥「偷到雞」，由射手辛拿約高（Lassine Sinayoko）搏得十二碼兼自己射入，「爆冷」逼和對手攞番一分。而同組嘅贊比亞同科摩羅就互交白卷，令到A組嘅形勢變得有點奇妙。B組方面，埃及對陣南非嘅大戰最終以沙拿嘅十二碼一箭定江山，兩戰連勝提前獲得出線權，不過過程就唔係想像中咁簡單，而且半場結束前都幾多麻煩嘢出現。全隊身價輸咗差唔多成億歐羅嘅南非，喺41分鐘有右閘梅達奧（Khuliso Johnson Mudau）禁區內超技術侵犯沙拿領黃兼被判罰極刑，沙拿輕描淡寫嘅處理將個人本屆賽事嘅入球數提升到2粒； 不過6分鐘後，南非隊長莫高拿（Teboho Mokoena）喺一次無壓力對抗下被埃及右閘嘅翰尼（Mohamed Hany）踩中腳面，被球證出示第二張黃牌驅逐出場，埃及瞬間由天堂跌落地獄。之但係半場時間踢多個嘅南非並未運用好人數上嘅優勢，反而埃及有唔少威脅嘅反擊機會。球證「俾足面」嘅超長補時，都挽救唔到呢支昔日勁旅。最後一輪對陣津巴布韋，若要掌握出現權，睇嚟全取三分會穩陣好多。非洲國家盃分組賽第二輪賽事賽果（已結束）-Group A贊比亞🇿🇲0-0 🇰🇲科摩羅摩洛哥🇲🇦1-1 🇲🇱馬里Group B安哥拉🇦🇴1-1 🇿🇼津巴布韋埃及🇪🇬1-0 🇿🇦南非ps：馬里件波衫👕真係好正👍 🌍⚽️🏆🇲🇦