《非常檢控觀》丨陳庭欣短裙晒腿搶鏡 荒山野嶺拍攝心寒無綫新劇《非常檢控觀》宣傳活動持續熱鬧，藝人陳庭欣（Toby）今日以一身貼身短裙造型現身，修長美腿搶鏡十足，成為現場焦點。談及劇中表現，陳庭欣透露在劇中“血古董”單元飾演拍賣官“顏映朱”，其中一場關鍵戲份於荒山野嶺拍攝：「同場拍攝嘅Yuki（羅毓儀）事後同我講，佢喺拍攝現場見到咗唔尋常嘅嘢。嗰個地點本身已經好偏僻，加上場口有血淋淋嘅情節，好巧當時正係蔡天鳳案發生嘅時候，劇情同現實有少少相似，所以拍攝過程中一直覺得有啲心寒，代入感好強。」除了劇集話題，陳庭欣近日在社交平台分享的匹克球照片引發關注 —— 相中姜濤正望向她的方向，一度掀起討論。對此她笑言澄清：「大家只係在同一場地打波啫，佢當時應該係處於休息狀態，唔係特意睇我。反而係我有偷睇佢打波，佢雖然只打過2、3次，但表現幾唔錯。」她補充指並未與姜濤同場：「佢嗰隊已經夠人，我反而同ERROR嘅肥仔打過，過程好開心。記得影相當日剛好係肥仔生日，大家仲一齊買咗蛋糕為佢慶祝。」被問到是否有與姜濤合照留念，陳庭欣直言：「唔會啦，當時我個妝都甩晒，狀態唔好。」至於轉發包含姜濤的照片是否擔心對方介意，她回應：「初時根本冇為意張相入鏡咗佢，只係单纯轉發自己打波嘅相，相信佢唔會為咁小事介意。」同時她大讚匹克球是「好神奇嘅運動」，能讓不同圈子的人聚在一起，帶來不少意外交集。TVB