【On.cc】陳曉華自爆被情緒勒索　扮癲婆連自己都嚇親藝人陳曉華（Hera）、羅天宇、胡㻗等今日（22日）出席慈善高爾夫球賽，有份主持開球禮的Hera表示從未接觸過這項運動，但很開心今次有機會參與，如有機會都很想學，提到向同場出席活動的天宇學習，Hera即笑言要先視乎天宇的實力，若很厲害便向天宇的老師學習，又指比起獨自學習，更希望與一大群人一同學習。問及會否與緋聞男友朱敏瀚一齊打波，Hera即表示：「我唔知佢識唔識打，都唔知佢有無興趣，不過其實我想搵啲女仔打，覺得女仔打有種好溫馨嘅感覺，又好傾啲，我知何依婷有打，可以叫佢carry我帶我去打。」近日劇集《非常檢控觀》正在播出由Hera演出的單元故事，Hera笑言自己劇中的癲婆角色備受好評，又幽默澄清自己不是本色出演：「我依家睇番都有種得意感覺，個陣做真係好癲，可能年輕，26、27歲。（冇偶包？）完全冇，如果依家再做應該另一種癲，成熟啲嘅癲。」問到會否怕癲婆形象嚇親身邊人，Hera笑言反而是嚇到自己，又指自己花很長時間去理解角色被PUA（情緒勒索）的性格，甚至曾嘗試代入角色去思考用甚麼狀態演繹。而問及她現實曾否有被PUA的經歷，她就表示：「有呀，可能我係一個同情心氾濫嘅人，好容易例如『你唔係唔嚟呀嘛』、『你唔係唔幫我呀』，即係我覺得大家都會有呢啲時候，可以畀人PUA嘅冇問題，但唔好太多囉，都要互相幫忙，但唔好永遠100% Say Yes，有陣時都要做下No Men。（依家幾多%？）50啦，因為我大個女啦，開始覺得體力上有限制，同埋我好鍾意瞓覺，留番啲時間比自己去休養。」此外，Hera直言希望之後有機會挑戰女強人及高智商反派的角色。陳曉華想學高爾夫球。她演出癲婆角色大受好評。她笑言非本色演出。但現實中亦曾有被PUA經歷。現已學懂拒絕別人。同場還有羅天宇及細佬胡㻗，擔任高爾夫球教練已2年多的胡㻗，表示教導別人時充滿成就感，問到教哥哥時有否成就感？胡㻗就表示很少教他，而天宇聞言即表示：「佢係我唯一嘅教練，但係佢又好忙，有時兄弟之間又會好忟憎。（佢有冇鬧過你？）有啦，冷言冷語個啲。（有無影響感情？）咁又冇，反而拉近我哋距離，間唔中指點吓我，教得好好」，而胡㻗亦讚天宇球技不錯。問及胡㻗會否想再拍劇，他就表示如果有機會和時間都想，但目前希望專心投入高爾夫球事業，更預告之後會開設一個以粵語形式呈現有關高爾夫球內容的頻道，希望令更多人了解這項運動。提及緋聞女友陳懿德近日為爸爸慶生，天宇指當日有工作故沒有出席，但透露自己曾經與德德爸爸一同打高爾夫球，大讚對方球技勁，設備完善，對高爾夫球充滿熱愛，因此有時見面兩人亦會交流心得，問到他有否為世伯補祝生日或送上禮物，天宇就表示：「冇喎，下次有機會補番啦。（補番咩先？）咩都好。（世伯係高爾夫球會長？）係呀，球會間中都會搞啲活動，有機會都希望可以參加多啲。（以咩身份？）專業嘅高爾夫球手。（有冇同德德打過？）佢唔鍾意，冇咩興趣，佢鍾意啲節奏快啲嘅，例如網球，所以同世伯多嘢講過佢。」羅天宇與細佬胡㻗同場。胡㻗有教羅天宇打波。羅天宇透露曾與陳懿德爸爸打波。陈晓华