熱拿亞官方宣布，從羅馬以有買斷條款嘅借用方式引入 22歲意大利中場巴丹斯 。巴丹斯喺2024年2月1號從安玻里加盟羅馬，之後為首都球會上陣69場入3球 ，其中 22 場係喺現時熱拿亞教練廸羅斯麾下上陣嘅，二人將會再度合作。早前迪羅斯喺巴丹斯未正式加盟嘅時候表示自己好睇好呢位球員，亦都了解到今季羅馬教練加斯柏連尼曾經放佢喺偽中鋒嘅角色，但佢哋熱拿亞有中鋒同強力前鋒，所以等佢正式到嚟之後睇睇點樣安排，但唔認為會放佢喺中鋒位置。