費倫天拿官方宣布，從祖雲達斯引入31歲意大利中堅路根尼（Daniele Rugani），據報導借用費 50萬歐元，若符合特定條件（據報係若果紫百合護級成功）就會變成需要以200 萬歐元強制買斷。

路根尼最早喺2012年加入祖雲達斯，歷來為球隊上陣157場，原本係今季祖雲達斯陣中上陣次數第四多嘅球員（僅少於華荷域、麥堅尼同盧卡迪利）。呢位7次代表意大利國家隊嘅球員表示，加盟之前同法基奧利有溝通過。