許紹雄女兒簽約林盛斌公司　主力司儀工作：期待新嘗試.許紹雄（Benz雄）於去年10月病逝，獨生女許惠菁（Charmaine）受訪時曾表示，這個突然降臨的沉重打擊令她難以接受，然而，她也表示會努力重新站起來，回應父親期待的堅韌精神。今日（2月9日）她在社交平台發帖文，宣佈加入林盛斌（Bob）主理的棋人娛樂香港（Chessman），將會主力發展司儀工作。

許惠菁分享在影樓拍攝的照片以及化妝的短片，寫道「半年前嘅我點都唔會諗到呢段時間會需要經歷接二連三嘅變化。3個月內一次又一次咁推我出comfort zone，但係老土啲講句，when life give you lemons, make lemonade. 好感激呢段時間有屋企人同一班朋友嘅陪伴，關懷令到整杯lemonade嘅過程容易好多。好多謝你成日keep me in mind同邀請我加入 呢個family。期待新嘅學習新嘅嘗試，請大家多多指教啦。」Bob在帖文回應：「我要好多謝你嘅信任，相信我哋嘅團隊，我哋大家一齊俾心機，一齊進步」。