講番上週荷甲，由於暴雪緣故，鹿特丹斯巴達對陣NEC尼美根嘅賽事被迫延期進行。（英國連續大雨，部份國家或地區暴雪，拉尼娜極端天氣嘅影響都幾大）

呢一週話題除咗暴雪導致比賽延期之外，就肯定係PSV燕豪芬收穫本季第二場敗仗，還有四場賽事嘅終場前絕殺！舊年12月嘅首回合較量，禾倫丹作客輸咗0-3，好難想像呢支目前排第14位嘅球隊能夠喺主場贏榜首球會，而對上一次擊敗對手已經要追溯到1994年5月。本場賽事PSV燕豪芬佔據絕對優勢，不過禾倫丹後備入替嘅射手奧拿斯（Aurelio Oehlers）喺86分鐘嘅入波就直接殺死咗比賽，呢個入波亦都係佢個人本季第三粒嘅聯賽入波。

把握住勁敵失分嘅良機，飛燕諾同阿積士都各自擊敗對手全取三分，算係稍微收窄咗積分差距，但係都依然相差最少14分之多，要追上步伐都唔係咁簡單。

荷甲第23週賽事賽果-禾倫丹2-1 PSV燕豪芬賀華高斯0-1 NAC比達SBV精英1-2 艾克馬亞阿積士4-1 幸運薛達岡寧根1-2 烏特勒支飛燕諾1-0 伊高斯荷連芬4-2 施禾尼泰斯達1-1 川迪鹿特丹斯巴達🆚NEC尼美根（暴雪延期）

eredivisie 🇳🇱