陳慧琳談再拍戲：劇本唔理想「忟水啲」 盼與張家輝再合作

天后 Kelly 陳慧琳今日亮相戲院，一連舉行《那人那地那天》新歌發布會與經典電影《薰衣草》放映會，親自陪粉絲率先欣賞新歌 MV，寵粉十足！負責作曲的 AGA 雖未能親臨現場，亦特意錄製賀詞送上祝福，為活動增添溫馨感。今次新歌延續《薰衣草》的浪漫故事，更邀得「小金城武」Meaning 參演，引發一連串精彩話題。

談再拍戲：劇本唔理想「忟水啲」 盼與張家輝再合作活動現場被問到是否有戲癮、何時再拍戲時，Kelly 秒回「忟水啲啦」，坦言目前市道一般，加上收到的劇本質素未如理想，部分更是十年前甚至 26 年前的舊作，難以打動她。至於是否會與老搭檔、經理人公司最佳員工張家輝正式合作，Kelly 笑言曾經為對方執導的作品客串，若將來要再合作，「或者要約埋打牌，等佢太太輸錢先得！」她更透露鍾意拍搞笑賀歲片，「輕輕鬆鬆又開心，唔使入去慘情嘅場景，几好玩！」

三度合作金城武憶趣事：最熟時默契十足 現已無聯絡談到與男神金城武的三次合作，Kelly 分享寶貴回憶：「第一次拍《天涯海角》，見到佢成日一個人蹲係海邊睇海，覺得几沉悶；第二套《安南的連橫》有阿黃搞搞笑，就開始熟絡；最熟係最後一套，淨係得我哋兩個對戲，唔使多講嘢都有默契，知道對方呢場戲想點發揮。」她亦提到金城武為人低調，來香港會主動講廣東話，其實內心很想講國語，只是慢慢來。不過 Kelly 坦言近年私下已無與對方聯絡，笑稱「佢好似匿咗起來，好少露面，我哋都唔好打擾佢啦」。

「小金城武」高大靚仔 拒邀「小宋仲基」蝦餃仔客串今次新歌 MV 邀來「小金城武」Meaning 參演，Kelly 搞笑透露原本以為對方是小朋友，「點知見到先發覺咁大個，高大靚仔，雖然同原裝金城武唔太似，但都係靚仔類型，佢清清秀秀，同金城武嘅風格唔一樣」。被提議下次找兒子「小宋仲基」蝦餃仔客串時，Kelly 即刻耍手擰頭，更乘機「投訴」：「佢而家成日在家健身，搞到個客廳似 gym room，核突到嘔！」她透露兩個兒子都鍾意運動，但蝦餃仔唔會向自己請教健身技巧，「佢要練大隻肌肉，我冇呢類經驗呀」。

馬來西亞演唱會首唱新歌 嘉賓係「多年未合作男星」Kelly 預告 3 月 28 日馬來西亞演唱會將首唱《那人那地那天》，對於粉絲爭取開 side track 演唱會，她暖心回應「收到大家嘅要求，會再度下！」目前 S2 巡演仍在進行中，要等有關行程完結後才會規劃新演唱會。至於馬來西亞站的嘉賓，Kelly 賣關子表示已敲定一位男性嘉賓，「係好耐冇合作過嘅朋友，到時就知係邊個！」

撐張家輝金像獎奪歌獎 親回關詠荷雀友傳聞談到張家輝入圍金像獎「最佳原創電影歌曲」，Kelly 直言「撐爆佢！」，更期待對方上台獻唱：「佢而家已經榮升唱跳歌手，唱慢歌一定冇問題，好有信心佢拎獎！」至於外界傳她與張太關詠荷是雀友，Kelly 笑言只是玩笑：「我根本唔識打牌，砌牌都搞唔掂，佢（關詠荷）應該都唔多識，大家講笑咋，今年仲未約過打牌呀！」

自爆保養靠「出前一丁」 將推快歌新作訪問中 Kelly 還分享小秘密，指自己的舒適食物是出前一丁公仔麵，「有時口癢就會食，話晒都係外敷內服唔使搞太多，不過其實唔太健康，大家唔好學我！」她亦透露目前正在籌備快歌新作，「呢首《那人那地那天》已經等咗兩年，快歌就等緊填詞同拍 MV，會盡快同大家見面！」

陈慧琳称客厅被儿子弄得丑到要呕 陈慧琳称儿子每天都在家里健身