古巨基分享再當爸喜悅 自封「喜歡湊仔的男人」：湊仔係我最大樂趣.太極樂隊、古巨基及鄧小巧昨晚（2月28日）齊齊現身《童行未來

古巨基雖然未有接受訪問，但在台上主動分享再度榮升人父的喜悅，全場即時報以熱烈掌聲。他透露現時忙於照顧細仔，日日要幫手餵奶、換片，同時又要兼顧6歲大仔Kuson的起居，雖然忙碌但非常享受。他笑言：「我係一個好鍾意湊仔嘅男人，湊仔係我最大樂趣！」

基仔又提到，Kuson原來已經係童軍成員，每星期三都會穿上童軍制服返學，呢晚更專程到場支持爸爸演出。他笑說：「我同佢講今晚要為童軍唱歌，佢即刻話自己都係童軍，要一齊嚟，我叫佢快啲換衫出門口，佢就真係換咗套童軍制服。而家佢喺後台睇住我唱歌。」他續指，讓Kuson參加童軍，是希望他學習團結和互相幫助的精神，又分享囝囝最近獲得獎章，感到非常自豪：「佢話因為做咗一啲事得到表揚，我覺得呢個係小朋友成長過程中，一個好好建立自信的方法。」

主音雷有輝（Patrick）受訪時回憶起童年時曾加入童軍，學過繩結和露營技巧，笑言那些經歷至今仍記憶猶新。結他手劉賢德（HiFi德）則透露，小時候對童軍活動十分嚮往，但因忙於夾Band和踢波而錯過，至今仍感到少許遺憾。

談到近期《中年好聲音4》參賽者選唱太樂隊作品《Crystal》，雷有輝大讚參賽者水準高，特別點名陳逸璇、可嵐等人表現出色，直言：「聽到佢哋唱得咁好，我哋都覺得好開心。」

太極樂隊明年將迎來成軍40周年，幾位成員透露正籌備紀念演唱會，更會順應粉絲要求，從多年來的舊作清單中選曲，務求滿足樂迷期待。低音結他手盛旦華（Eddie）預告計劃在演唱會上獨唱一首自己創作的歌曲；鼓手朱翰博（Ricky）則被隊友鄧建明（Joey Tang）爆料，指他上次的獨唱演出令人驚喜，這次也「在所難免」要再開金口。Ricky笑言：「今次真係要練歌，不過練鼓仲重要！」劉賢德則搞笑自封為「意大利男歌手Ernest De Lamour」，揚言唔怕要獨唱，自信十足。