前意大利國家隊同費倫天拿教練普蘭杜利表示，費倫天拿好多事情都出現問題，包括喺心理同管理層面，佢唔肯定係咪需要更加團結，或者應該少講一啲足球，多講吓家庭、多講吓生活同小朋友，佢認為球隊壓力太大，需要減輕佢哋嘅壓力。

費倫天拿球員柏利斯表示雲路利執教下佢更有信心，前教練彼奧利帶領時佢只係踢咗30分鐘。

喺出戰協會聯賽前嘅記者會當中，柏利斯表示氣氛相當平靜，球隊亦都清楚命運掌握喺自己手上。佢要感謝現任教練雲路利信任佢可以踢唔同位置，佢具備踢翼鋒嘅質素，因為速度快亦都鍾意突破。而教練嘅信任對球員幫助好大，球員亦都必須意識到自己肩負嘅責任，佢亦都形容自己係沉默嘅領導者，好少講嘢，努力喺球場上表現自己。