「短裙爆乳混血學生妹」驚現TVB！真相竟係肥媽？網友爆笑：有圖冇伏.「短裙、學生look、爆乳、混血、TVB」，呢五個話題度滿滿的關鍵詞擺在一起，相信唔少網友第一時間都會諗起郭珮文、謝嘉怡、高海寧等人氣小花。而TVB日前播出的遊戲節目《攻你上大學》中，就出現了一位完全符合呢五大條件的藝人，相關畫面更引來網民在討論區瘋傳，掀起全網熱話。

今次的熱話源於網上討論區的一篇熱門帖子，有網民以「有圖 TVB啱啱有個短裙、大波、混血學生妹 有冇人有IG？」為題開po，標題一出即刻吸引大批「巴打」爭相點入，以為又有新晉小花彈出。不少人初時都猜測，呢位主角係《中年好聲音》的靚女主持海兒，皆因她外形靚麗自帶混血感，身材亦相當出眾，可惜今次所有人都估錯了。

揭開謎底，呢位被網民封為「短裙爆乳混血學生」的藝人，竟然係大家熟到不能再熟的肥媽Maria Cordero！

事緣新一輯《攻你上大學》，特意請來《中年好聲音》系列的主持與一眾節目「畢業生」擔任嘉賓，齊齊玩益智問答遊戲。節目當中，肥媽一改以往登台的艷麗造型，或是平日的端莊打扮，破天荒以一身青春學生look亮相——上身係經典西裝款上衣，下身搭配及膝短裙，再加一對長白襪，滿滿的校園氣息，同平時的形象反差極大，令觀眾眼前一亮。

不少網民睇完都大讚開po網民創意十足，皆因肥媽本身係中葡混血，完全符合「混血」關鍵詞，學生造型、短裙穿搭亦全數中晒，可謂「標題黨得來完全冇伏」。帖子留言區瞬間淪為爆笑現場，大批網民紛紛留言：「咁正當然得㗎啦」、「真係每個關鍵詞都啱晒，完全冇吹水」、「呢個學生妹我認！」，仲有網民翻出肥媽年輕時的舊相，大讚佢後生時顏值同身材都相當出眾，完全唔輸而家的當紅小花。

至於被唔少網民第一時間「提名」的海兒，向來都係網民關注的焦點。呢位《中年好聲音》的人氣主持，不單止有樣有身材，仲係名副其實的高材生。她不時在社交平台分享生活日常，無論是泳衣相還是潛水造型，都難掩其出眾的身形曲線，每次出po都引來大批網民激讚，人氣居高不下。TVB