博愛歡樂傳萬家丨鍾舒漫夥 IdG Bubbles 合作 坦言被活力衝擊分享可愛舞台心得.鍾舒漫出席慈善節目《博愛歡樂傳萬家》记者会，她今次將聯同四位聲秀後輩組成限定女團，與女團 IdG Bubbles 合作帶來舞台演出。一眾人於記者會受訪時都直言，與專業女團成員合作備感壓力，更被對方的青春活力深深衝擊。

鍾舒漫表示：「本身我都好鍾意聽佢哋嘅歌，現場見到真人先發覺，佢哋真係每一秒都充滿能量同活力，就好似動漫入面嘅女仔一樣，坦白講我真係覺得好大衝擊，始終呢次係我第一次跳咁可愛風格嘅歌。」她自嘲本身並非走可愛路線，只能盡力融入演出，亦大讚 IdG Bubbles 的成員十分照顧前輩，大家可以展現出不一樣的可愛風格。

被問到如何在舞步中展現自然的可愛感，鍾舒漫就分享心得：「我自己本身唔係好擅長可愛路線，但有人同我講過，一定要由骨子裡覺得自己可愛，唔好刻意去裝，要覺得自己散發出嚟嘅感覺就係可愛，咁你所有動作先會自然。」TVB