正義女神｜佘詩曼甩開Man姐形象演活寡言法官 點名大讚呢位新人：佢令我驚喜.由佘詩曼、譚耀文、陳煒、已故藝人許紹雄同周嘉洛等主演嘅新劇《正義女神》，就快喺3月30日登陸翡翠台。阿佘最近接受TVB娛樂新聞台獨家訪問，佢就話第一次演法官呢類咁嚴肅又寡言嘅角色，真係幾大挑戰。佢話希望可以甩甩地《新聞女王2》入面Man姐個影子，等觀眾見到一個全新嘅佢。

講返轉頭：正義女神線上看劇情懶人包！全25集劇透（持續更新）佘詩曼首套律政劇！與陳煒「以法之名」引迷途少年歸岸

講到劇中一個大亮點，就係阿佘同譚耀文繼《無名天使3D》之後，相隔超過20年再合作，今次仲要飾演「唔一樣嘅夫妻」。阿佘直認感覺同當年好唔同，但默契仲係喺度，一拍即合。

除咗同老朋友合作，今次劇集仲搵咗唔少新世代演員一齊演出。阿佘特別點名大讚劇中一個「靈魂人物」——劉倬昕（阿Sam），話佢嘅演出真係有驚喜：「佢係一個好重要嘅靈魂人物，佢嘅演出係有少少令到我有啲驚喜，真係估唔到。」TVB