正義女神｜佘詩曼提起許紹雄難掩不捨：睇返畫面都歷歷在目.佘詩曼到惠州出席TVB新劇《正義女神》宣傳活動。劇中佘詩曼飾演高等法院暫委法官言惠知，許紹雄就飾演即將退休嘅主任裁判官，兩人戲入面關係如父女般親密，戲外亦培養出深厚默契。佘詩曼話許紹雄喺片場成日以「老竇」姿態關照佢，兩人對戲時頻頻擦出火花，令法庭場面生動逼真。

講到已故拍檔許紹雄，佘詩曼受訪時難掩不捨之情：「尤其是呢一個戲，Benz（許紹雄）喺戲入面個角色同佢以往嘅都幾唔同，所以其實拍嘅時候，大家都擺咗好多心機落去，大家都會傾吓研究吓。自己睇返啲畫面，當然都係歷歷在目，所以我哋大家好好咁宣傳呢個戲，希望多啲人睇到。」

提到許紹雄嘅IG近來由佢囡囡操作，佘詩曼就話：「其實起初我見到佢個平台突然有更新最新動態，嗰吓我係有被嚇一嚇，心諗點解老竇咁樣嘅？但下一秒我就諗到肯定係阿妹搞嘅。」佘詩曼話雖然知道係許紹雄囡囡幫手更新，但每次見到動態都仍然會諗起同「老竇」拍戲嘅點滴。

TVB 正义女神