《風華背後》演員聚頭食飯 蔡少芬爭贏埋單 黃宗澤笑稱：佢係大家姐 😆.黃宗澤（Bosco）、蔡少芬（Ada）、蔡潔、譚俊彥同鄭希怡等一班《風華背後》演員，噚晚（20日）相約食飯，仲喺社交平台晒出合照。Bosco接受東網訪問時話，大家一直都想約出嚟聚吓，啱啱同Ada傾開就即興話不如第二晚，點知一呼百應，差唔多個個都話得！唯一可惜係朱茵同汪明荃嚟唔到，否則就更加齊人。🍽️

飯局入面大家無所不談，成家人一樣咁開心。到埋單嗰陣，Bosco本來諗住同Ada夾份請客，點知最後Ada爭贏咗，一個人霸晒張單！Bosco笑住話：「佢真係大家姐嚟㗎，我原本想略盡綿力夾份請，點知佢咁豪氣搶住埋單，咁下次輪到我啦！」TVB