「慧妍雅集44周年慈善籌款晚會2026」今晚(21日)於尖沙咀舉行，陳茵媺（Aimee）、倪樂琳、梁超怡、王君馨、宋宛穎、楊思琦以及會長朱凱婷等出席。本身是慧妍會員的陳茵媺，指今次特別來撐會長朱凱婷，問她會否都有興趣做委員甚至會長？她表示：「要睇時間，要照顧3個小朋友，今日着靚靚出嚟嘅時候，囡囡都問幾時有佢份，佢真係好貪靚。」陳茵媺指今晚她外出，由陳豪照顧小朋友：「佢喺屋企幫小朋友睇功課，都就嚟考試。」

提起老公陳豪，陳茵媺永遠最甜，她指平時於社交平台分享靚相，很多都是老公陳豪的「手筆」，對老公視角影的照片亦十分滿意：「佢影到我好嘅一面，去旅行都係佢影相。」Aimee之前曾換劉海髮型，網民不太喜歡，她指自己只是抱着玩的心態去轉髮，不介意有不同聲音，笑言：「要大膽啲，先知邊啲啱自己。」下個月將是她、陳豪以及囡囡的生日月，Aimee直言將會非常忙碌，亦會為囡囡搞生日會，每年生日陳豪送花及禮物，而今年她的生日願望就是最緊要身體健康，因有健康先能做想做的事。之前有份參加《魔音女團》面試的倪樂琳、梁超怡齊齊受訪。對於後日將公布入選名單，超怡直言無信心入圍：「因為我都唔係好清楚評選嘅準則，究竟要魔音定要唱得好嘅，我屬於中間，所以冇乜信心。」倪樂琳亦認同超怡的說法，故自己都無信心，對於被指曾組過舞團應是大熱，她則大感訝異，並謂：「邊度講架！（係咪覺得被指係大熱好大壓力？）最大壓力係海選個陣，其實入唔到唔代表唔好，入到亦唔代表好。」對於不少參加者拍Reels搶分，超怡指自己之前在韓國工作拍不到，現只會平常心，倪樂琳則指之前曾跟鍾翠詩拍Reels，覺得經營社交平台真的很需要花心思。黃博、王君馨為今晚慧妍晚宴擔任表演嘉賓，會長朱凱婷指找王博的原因，是對方的聲音很療愈，很適合晚宴主題「身心靈健康」；黃博對同是《中年好聲音》系列出身的羅啟豪、譚輝智將於紅館開騷，大表高興，自己都會入場感受氣氛，朱凱婷則笑言若黃博將來殺入紅館，慧妍雅集定必會全力支持。另外，亞姐出身的林寶玉被問到亮相港姐掛帥的慧妍晚宴會否感尷尬？她指自己支持公益事，沒有尷尬。