【艺人资讯】高鈞賢欠交多張逾期未繳隧道費遭罰款　手寫申訴信求豁免.前香港先生冠軍高鈞賢（Matthew）前年宣布同細10年嘅圈外女友黃梓漫（Christine）結婚，雙喜臨門，去年1月迎來女兒高子琳（Liona），一家三口現居於深圳。去年12月佢被爆豪擲2,250萬元，購入九龍塘畢架山一號一個三房單位連車位，高鈞賢其後話會喺深圳、香港兩邊住，仲直言希望女兒入讀九龍塘嘅名校。

經常來往深港兩地嘅佢，日前就自爆收到多張逾期未繳隧道費嘅罰款單！相中所見，高鈞賢收到多張由「易通行」（HKeToll）發出嘅隧道費欠款及附加費通知書，包括青沙管制區、西區海底隧道等，金額分別係$183、$205、$211不等，當中包括隧道費及首筆附加費。根據法例，如果車主未能在駛經隧道後14個工作天內補交隧道費，就會被徵收每程$175嘅首筆附加費。

高鈞賢寫道：「作為一個香港好市民$8隧道費$183x20張已經交咗啦😅換車嘅時候唔記得咗整返auto pay，新年又去咗旅行，唔知會唔會豁免呢？」佢仲附上手寫申訴信，解釋因為換車、忘記設定自動繳費同旅行等原因導致漏繳，希望能夠豁免附加費。TVB