【On.cc】朱千雪拍劇喊唔出　感激羅子溢出手搞掂

前港姐朱千雪（Tracy）近日接受藝人好友鄧佩儀主持的網上頻道訪問，大談當年拍劇的點滴，她回想第一次拍劇《On Call 36小時II》只有23歲，她在劇中飾演一名繼母，丈夫跑路，小朋友又生病，生世坎坷，跟她的現實人生完全不同，對她來說挑戰甚大，她坦言：「我當時係冇真正享受過拍劇，因為當年冇進入角色，冇感受過角色。」

她稱慶幸入行以來獲不少前輩幫助，其中包括第一部劇集的拍檔吳啟華：「佢教咗我好多嘢，例如演員嘅職業道德、點去準備角色、點將對白變得靈活等等，好多基本技巧。」而另一位她點名多謝的前輩是羅子溢：「佢教我點用眼藥水，因為我太緊張，所有喊戲都喊唔出，佢話你當然要學識點喊，但如果你喊唔到，冇問題，你要掌握點用眼藥水嘅技巧，我真係好感激佢。」

朱千雪接受鄧佩儀訪問。

朱千雪回想第一次拍劇。

朱千雪表示從吳啟華身上獲益良多。

朱千雪感激羅子溢教會她如何演喊戲。