迪祖高域會現場觀看今晚進行嘅世界盃外圍賽附加賽波斯尼亞對意大利。呢場波斯尼亞對意大利嘅賽事將會喺波斯尼亞城市贊尼沙Zenica（國譯：澤尼察） 進行，雖然球場只可以容許大約 9000 名球迷，不過網球名將迪祖高域都會現身出席。

話說呢位塞爾維亞人非常鍾意贊尼沙附近嘅 Vidoko 地區，經常到呢個地方放鬆心情，觀賞當地號稱‘ 波斯尼亞金字塔’ 嘅風光。迪祖高域早前亦有喺社交平台祝賀廸施高連續20年取得國際賽入波，呢位名將亦已確認唔會出戰下星期展開嘅ATP 蒙地卡羅（Monte-Carlo）嘅比賽。