【On.cc】鄧英敏視施明為女中豪傑　感慨：佢應該可以遲多10年先走

藝人鄧英敏與施明相交數十年，當年大仔李泳漢結婚，對方邀請他擔心司儀，當收到好友離世的消息，他心情亦相當沉重，點滴在心頭：「施明係我心目中係女中豪傑，當年史泰龍點名搵佢做女保鏢，真係好厲害，個個拍晒手掌，佢應該可以遲多10年先走，湊下孫仔享受家庭樂，冇諗過佢走得咁快，不過，病又開過腦好難講。」

鄧英敏感到難過。

他本身亦同李家鼎是朋友，拍攝《書劍恩仇錄》時李家鼎擔任武術指導，一直感覺二人很合拍，但最後離婚有點可惜，但知道他們之後亦相見亦是朋友，好愛錫兩個小朋友，情盡了想再一齊都好難。在他記憶中施明為人很有善心，有次對方邀請他出席齋宴，全個過程一個人包辦，出心出力出錢，只是想幫助人。他說：「施明係我前輩，係佢身上學到好多嘢，希望佢家人唔好太傷心。」

施明生前人緣甚廣。