菲律賓許勝不許敗嘅情況下率先打開紀錄，不過保波耶夫（Sheriddin Boboev）續命神丹令佢哋攞到寶貴嘅一分，意味著塔吉克斯坦以1個淨勝球優勢壓過前者獲得決賽週資格。

中東戰事不斷，黎巴嫩對葉門嘅B組頭名之爭睇怕都要等待亞足聯嘅進一步指示。C組，新加坡次循環豪取三連勝，力壓中國香港奪得首名；提前出局無心戀戰嘅港隊更加喺主場不敵印度，後者都算係報番首循環嘅一敗之仇。過度主教練盧比度完成佢暫代職務嘅使命，港隊嘅未來領隊人選成謎。泰國除咗喺第二輪爆冷不敵土庫曼斯坦之外其餘五場全勝，尋晚險勝1球令佢哋順利攞到三分躋身正賽。敘利亞同越南係第三圈罪威水同絕對優勢嘅兩隊波，以全勝姿態晉級，其中敘利亞更加收穫咗19個淨勝球，21個總入球數都係24支球隊之最。

2027亞洲盃QF第三圈分組賽第六比賽日賽事賽果-Group A馬爾代夫🇲🇻2-1 🇹🇱東帝汶塔吉克斯坦🇹🇯1-1 🇵🇭菲律賓

Group B不丹🇧🇹2-1 🇧🇳汶萊黎巴嫩🇱🇧🆚🇾🇪葉門（比賽因中東戰事延期）

Group C新加坡🇸🇬1-0 🇧🇩孟加拉印度🇮🇳2-1 🇭🇰中國香港

Group D中華台北 1-3 🇱🇰斯里蘭卡泰國🇹🇭2-1 🇹🇲土庫曼斯坦

Group E巴基斯坦🇵🇰1-2 🇲🇲緬甸敘利亞🇸🇾5-1 🇦🇫阿富汗

Group F越南🇻🇳3-1 🇲🇾馬來西亞尼泊爾🇳🇵0-1 🇱🇦老撾

AFC Asian CupAFC 🌏⚽️