喺意大利足總主席加雲拿宣布辭職之後，保方亦發表聲明辭去意大利代表團團長嘅職務。

佢表示喺不敵波斯尼亞之後，已經想離職承擔責任，但有人希望佢延遲作出決定，以便所有人可以作出回應。而家足總主席都已離任，佢亦可以自由地作出取捨。儘管佢確信喺加圖素同所有合作者共同努力，並喺有限時間下，營造出良好嘅團隊精神，但顯然未能達成晉身世界盃決賽週嘅目標。

保方表示一直努力去履行自己嘅職務，把盡能力關注所有範疇，促成各青年梯隊之間嘅銜接、嘗試同各位負責人一齊建立由最年輕梯隊一直延伸到U21代表隊嘅項目。