戴祖儀首戰獨腳音樂劇大獲好評 黃宗澤現身捧場大讚記詞超強.TVB人氣小花戴祖儀（Joey）首次獨挑大樑出演獨腳音樂劇《Nancy戀噏Show》，表現亮眼大獲觀眾好評。今次重要演出亦吸引咗唔少圈中好友親臨現場捧場支持，當中包括黃宗澤（Bosco）、黎諾懿、蔡潔及鄧智堅等人，一眾好友更於演出完畢後專程到後台探班，為首次挑戰高難度演出的Joey打氣祝賀。

Bosco日前就喺個人IG上載咗一張同Joey喺後台的同框合照，相中所見，Bosco以一身全黑型格造型亮相，頭戴黑色漁夫帽，休閒穿搭都難掩星味；旁邊剛完成演出的Joey，就以一身亮眼搶鏡的桃紅色無袖連身裙登場，微捲長髮配上燦爛甜笑，狀態大勇，完全唔見演出過後的疲態，完成挑戰的喜悅之情溢於言表。

Bosco喺帖文入面仲毫不吝嗇大讚呢位好友兼後輩：「估唔到你一個人可以記到咁多台詞，下次我可以將我的對白俾晒你啦！」，仲配上搞笑喊樣emoji，隨後亦以英文暖心寫下鼓勵說話：「Proud of you, Good show!」。TVB