缺陣五場聯賽之後，勞達路馬天尼斯復出隨即梅開二度；馬古斯杜林繼國際賽之後，再有入球兼有兩個助攻。

個禮拜有唔少意大利球員有入波，包括今場嘅巴里拉、贊奴卡文仙尼同羅蘭素柏歷連尼。查漢奴古入咗一球世界波；馬古斯杜林兩次助攻俾勞達路馬天尼斯，對上一次國際米蘭球員一場比賽兩次助攻比同一位隊友，係2022年3月嘅巴里拉，同樣係輸送俾呢位阿根廷嘅射手。

費倫天拿作客祭出4人防線，仍不足以應對主隊維羅納嘅進攻，迪基亞成為全場最忙碌嘅一位，統計數字下面對全場18次攻門最少有8次成功封阻。保維、柯賓以及比加利（Rafik Belghali）嘅進攻三叉戟俾咗好大壓力「紫百合」，其中後者每次控球在腳都最少吸引到兩名或以上防守球員嘅特別招呼。

法基奧利係費倫天拿最活躍同狀態最好嘅一位，開波早段已經有一次射門中楣，下半場81分鐘嘅入波更加令三分修成正果。古蒙臣（Albert Gudmundsson）同蘇斯洛夫（Tomas Suslov）喺尾段嘅衝突都幾意外，結果兩位10號仔齊齊被球證請做「紅牌阿姑」。

意甲第31週賽事賽果-薩斯索羅2-1 卡利亞里維羅納0-1 費倫天拿拉素1-1 帕爾瑪基蒙尼斯1-2 博洛尼亞比薩0-1 拖連奴國際米蘭5-2 羅馬烏甸尼斯🆚科莫（稍後時間進行）萊切🆚亞特蘭大祖雲達斯🆚熱拿亞拿坡里🆚AC米蘭

Serie A意甲 🇮🇹