中年好聲音4丨鄧兆尊爆谷婭溦退評審疑似有資本方插手 張佳添：完全感覺唔到
谷婭溦早前宣布退出《中年好聲音4》評審，官方話係同6月粵劇音樂劇檔期撞期，但鄧兆尊喺網台節目同吳家樂傾計時就大爆內幕。
鄧兆尊用拍劇選角做比喻，直言資本方出錢就話事，有可能覺得個藝人有問題，想搵人頂上，除咗檔期之外，仲有其他「輕微」因素。
加上谷婭溦之前社交平台出文惹爭議，又同張崇德隔空互動，節目仲捲入「外勞騷」同收視爭議，今次退出更加惹人聯想。
今日（4月9日）張佳添現身電視城活動，受訪時就力撐谷婭溦，話佢對節目好上心，幫古淖文拎冠軍、學員被淘汰仲喊到喊，係好專業嘅嚴師，佢退出自己好唔捨得。
至於資本方干預嘅講法，張佳添就話完全感覺唔到，又話自己原則係唔回應KOL網上爆料，除非有真實憑據，否則唔會評論呢類猜測。TVB
