黃建東公開點評外國女星身材 火速刪帖遭網民狂轟：典型噁男口衰到咁.44歲TVB藝人黃建東日前喺社交平台貼出美國演員Lana Condor嘅相，公開評論對方身材，仲話「睇完呢張相，我就明白點解女性內衣店長做長有。原來真係好緊要」，暗諷對方胸型問題。言論一出即引發網民強烈不滿，狂轟佢「把口衰到咁」、「典型噁男」。

黃建東雖然火速刪除帖文，但網民早已截圖留底，批評聲浪持續發酵。有人鬧佢：「作為公眾人物咁樣評論女性身材，心地極差」、「自己又唔係好，但對女仔指指點點」，仲有人建議佢交返個社交帳號密碼俾公司管理。

現年44歲嘅黃建東，2011年參加香港先生後加入TVB，近年憑搞笑形象入屋。最近佢喺劇集《正義女神》中暴瘦30磅，兩頰凹陷，引起網民關注健康。而被佢評論嘅Lana Condor，28歲，曾演出《X戰警：天啟》，出道已十年。TVB