馬倫一月加盟取得第11個聯賽入波，上到射手榜嘅並列第三位，差一球就可以追平2013年巴洛迪利轉會AC米蘭嘅意甲季中加盟球員入球紀錄。

呢場係兩隊爭取最終目標嘅重要戰役，博洛尼亞要爭第七非勝不可；羅馬爭前四亦都一定要贏。

教練伊泰利安奴執教博洛尼亞接近兩季以來，第一次開波時候用三後衛陣式，踢343 ，但成效一般，反而突顯球隊個人質素不及對手。柯蘇連尼今季聯賽第七次埋門中柱或者中楣。博洛尼亞今季聯賽主場成績只係排13位，6場贏2場打和7場輸；37歲右後衛迪史維斯廸後備入替都相當拼搏。

羅馬今季只係失咗29球，係近七年以來同期失波最少。戴巴拿聯賽缺陣11場之後復出，後備上陣；比斯利喺中場嘅參與度高，傳送都有水準。

意甲第34週賽事賽果-拿坡里4-0 基蒙尼斯帕爾瑪1-0 比薩博洛尼亞0-2 羅馬維羅納0-0 萊切費倫天拿🆚薩斯索羅（稍後時間進行）熱拿亞🆚科莫拖連奴🆚國際米蘭AC米蘭🆚祖雲達斯卡利亞里🆚亞特蘭大拉素🆚烏甸尼斯

Serie A 🇮🇹羅馬🐺