後備入替嘅柏連拿入波協助熱刺擊敗狼隊，呢支倫敦球會2026年第一次英超贏波。

熱刺上半場嘅表現比下半場好，進攻更加順暢同有組織，當然蘇蘭基同沙維施蒙斯先後傷出都有一定影響。堅斯基最後一分鐘救出祖奧高美斯嘅罰球進一步證明佢嘅價值；樸路同干諾加歷查係另外兩位踢得比好嘅球員。柏連拿入到今季聯賽第四球，係球隊裏面嘅並列次席射手。廸沙比賽後表示希望今場勝利可以改變到球員嘅心理狀況。

狼隊表現頑強，態度亦都認真。

三支競逐護級嘅球隊都能夠贏波過關，懸念得以延續。辛德蘭較早時間迎戰森林，兩邊嘅龍門表現各異成為分水嶺。路夫斯派膠，基比斯韋特笑納助攻基斯活特擴大比數差距。另一邊廂嘅沙斯連番救波就力保大門不失，全場累積有4次成功封阻。

辛德蘭非全無機會，但係都未能夠把握。巴拿特下半場一度破蛋，不過入波之前助攻嘅梅基利鏟跌出擊嘅沙斯，VAR就還返個公道俾後者。

韋沙（Yoane Wissa）後備入替浪費咗一次幾好嘅機會，樸比就有3次成功封阻。盛傳暑假離隊嘅東拿利表現就唔係咁好，不過都踢足90分鐘，相反表現好d嘅基馬利斯只係得74分鐘上陣時間。

艾斯近期狀態相當火熱，今仗卒之入靚波。奧迪加特下半場都有一次極具威脅嘅攻門，可惜就過唔到樸比嘅十指關。阿仙奴贏咗呢場，再次喺積分榜領先，不過就踢多曼城一場。

英超第34週賽事賽果-白禮頓3-0 車路士般尼0-1 曼城般尼茅夫2-2 列斯聯辛德蘭0-5 諾定咸森林富咸1-0 阿士東維拉利物浦3-1 水晶宮韋斯咸2-1 愛華頓狼隊0-1 托定咸熱刺阿仙奴1-0 紐卡素曼聯🆚賓福特（稍後時間進行）

EPL熱刺阿仙奴森林韋斯咸