修咸頓全場只有3次攻門，但係就全部中龍，而亞沙斯（Finn Azaz）轉身即抽，

修咸頓全場只有3次攻門，但係就全部中龍，而亞沙斯（Finn Azaz）轉身即抽，令查福特鞭長莫及。松木玖生（Kuryu Matsuki）入替3分鐘就貢獻助攻，較後時間佢都有一次埋門但係就被查福特托走。修咸頓最高峰多達10人（龍門除外）圍守小禁區頂，但都係無辦法阻止曼城贏波。

多達9名後備上陣嘅曼城開始即刻搶攻，賴達斯同馬莫舒嘅射門唔係過唔到柏列斯（Daniel Peretz）就係過唔到佢嘅「好朋友」條門柱。多古後備入替，入波省中比爾後折射變向多少有點運氣；而尼高干沙利斯30多碼嘅重砲喺無人看管之下確實妙到毫天！

曼城率先晉級決賽，睇下對手會係車路士抑或列斯聯。